بسم الله الرحمن الرحيم
كيفكم ان شاءالله طيبين
موضوع اليوم يهم كل ستات البيوت (عجبتني ستات البيوت) ههههههه
كيف تنضفي مطبخك وتخلي ريحتو حلوه ..؟
كيفيه تنظيف مطبخك ?How to clean your kitchen
طيب خلينا نتكلم عن كل منتج من المنضفات ونعرف ايش يسوي ؟؟
منضف جيف
هادا اقدر اقول عن سححر ليش؟
مررررره ممتاز للدهون يعني نقطه وحده يزيلها تماما
انا كنت امسح السطح حق البوتوقاز حقي بمناديل كلوريكس وكويس وفي مره اتراكمت الدهون والمناديل طبعا ماسوت شي
جربت جيف وربي زي السحر ماشالله اختفت تماما
كيف طريقتي؟
اول شي اشيل الوساخه الملموسه وكدا بعدين اسوي زي الخطوط بالجيف على البوتوقاز بعدين اجيب خرقه وابلبلها مويه وامسح البوتوقاز حيبقى لسه سوائل محا اشيلها لا حخليها عشان تدوب الدهون اخليها كم دقيقه
وبعدين اجي امسحها بخرقه نضيفه فيها مويه واكرر الحركه الين ماينضف ويروح السائل
الطريقه هادي اسويها تقريبا كل ماشوفت دهون كتيره على البوتوقاز
اما كل يوم امسحها بمناديل كلوركس تنضيف سطحي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ديتوول
ومين مايحب ديتول هادا انضف بي كل شي
الارضيه - حوض المطبخ وكل شي
حوض المطبخ اصب شويه منوو يطلع ريحه حلوه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سائل كلوركس
مره جميل
ريحتو حلووه
مره مهي ريحة كلوركس العاديه
وريحتو مهي قويه وتكتم
استخدموو :
في الاسطح حق المطبخ والحوض حق المطبخ ينضفها بعمق ويخلي الاسطح تلمع ماشالله وينشف بسرعه
لايفوتكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
العملاق الاخضر
الكل يعرفو
اول شي ريحتو نضااافه زي ديتول
استخداموو:
احط شويه منوو واخلطو مع الديتوول ومعاهم مويه وامسح بيهم الارضيه وشووفو النتيجه كيف
نضافه
تعقيم
تلميع
حبيت دي الطريقه جربووهاا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وبس خلص الموضوع
يارب يعجبكم
مرحبا اختي .. أقدم لك خدمة تصمميم لمدونتك إذا حابه .. شرفيني بمدونتي
ردحذف