بسم الله الرحمن الرحيم
كيفكم ان شاءالله طيبين يااارب
موضوع اليوم كتبتو لانوو مره مهم في ناس كتييير مايعرفو كيف يسوو مدونه ( بلوق)
وحبيت في البوست هادا اسوي خطوات مفصله كيف تسوي مدونه
كيفية عمل مدونة بالتفصيل؟how to make blogging
الخطوة الأولى:
تفتحي موقع البلوجر blogger
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
الخطوة التانية :
تسوي تسجيل دخول
طبعا لازم يكون عندك حساب في ال Gmail
وتكتبي ايميلك والباسوورد
ولو ماعندك حساب ادخلي هنا واعملي تسجيل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الخطوة التالته :
بعد ماتحطي حسابك وتدخلي ارجعي ادخلي موقع البلوق وحيجيكي كدا اضغطي متابعه الى Blogger
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
الخطوة الرابعة :
حتتفتح صفحه البلوق
حتضغطي مدونه جديده لانشاء مدونة
بعدين حيجيكي مربع فيلو اسم النموذج والعنوان والقالب ايش هادا؟
اسم النموذج : هنا حتكتبي اسم المدونه حقك اللي تبيها عربي او انجلش (اختاري الاسم اللي يعجبك) واللي حتظهر للكل .مثلا roreta7710
العنوان : هنا حتكتبي اسم المدونه بالانجلش فقط مثلا roreta7710 بعدين تكتبي بعدها .blogspot.com/
القالب : هادا شكل التصميم حق مدونتك اللي تبي تختاري
بعدين اخر شي تضغطي انشاء مدونة
وبكدا يكون عندك مدونة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الخطوة الخامسه :
كيفيه كتابه مدونه
حتفتحي الصفحه الرئيسيه حقتك وتضغطي على هادا الزر الاورنجي
بعدين حيتفتحلك مستطيل كبير عشان تكتبي الموضوع
عنوان المشاركه: حكتبي عنوان المدونه
والمربع الابيض : هنا حيكون الموضوع الاساسي
نشر: هنا لمن تبي ترسلي الموضوع خلاص
حفظ : لمن تبي تحفظي الموضوع بدون ارسالو
معاينه : هنا قبل ماترسلي تضغطي معاينه عشان تشوفي شكل موضوعك بالشكل النهائي لو مزبوط خلاص تختاري نشر
ــــــــــــــــــــــــــــــــــــــــــــــــــــــــــــــــــــــــــــ
وبكدا انتهى الموضوع
ان شاءالله يكون سهل وبسيط
في الموضوع الجاي ان شاءالله حوريكم كيف تعملو تصنيفات لمواضيعكم مثلا كتبتي موضوع عن المناكيرات وتبي تصنفيها في الجمال او beauty او makeup زي كدا
ليست هناك تعليقات:
إرسال تعليق