بسم الله الرحمن الرحيم
مساء/صباح النوور والسرور
مييين فينا مايحب يتشمس..؟
الاغلبيه يحب اكيييد
اليوم جايبتلكم وصفتييين للتشميس رهيييييبه ومضموونه على ضمانتي وانا مجربتها كتير
يلا نقول بسم الله : )
كريمات وزيووت التشميس كتييير
اشكال وانواع
وجربت كتير واللي منجدددد منجد بكل امانه اداني مفعول وخلا لوني خيالي ماشالله .....
استنو دحين اقول ههههه
.............
نجي نتكلم عن اول واحد اللي جربتووو
هادي الشركه مرره معروفه واغلبكم امكن يعرفها
جربت البخاخ اللي بالكروت(بالجزر) صراحه اداني لون بس مو مره قوي استمريت يومين وماشوفت نتيجه ترضيني
المره اللي بعدها قولت خليني الجرب بالكوكونت(نارجيل) وربي من اول يوم شوفت الفروق واستمريت 3ايام مرره انبسطت
حتى في بنات في نفس المكان سألوني عن لوني قولتلهم عليهـ مع انهم كانو يستخدمو بالجزر ومااداهم لون قوي برضو.
اللون كان بروونز جميل مهو برونز محروق لا
لوني انا مني بيضا ولا سمرا متوسط
طيب وسرت كل مااتشمس استخدم دي الطريقه
مره تانيه قلت خليني اجرب شي غيروو
الكل اللي قال بيبسي واللي قال سفن واللي مدري ايش
قلت لا خليني ادور واشوف
وعرفت شي رهيب لايفوتكم
السر ( بيبي اويل ودم الغزال)
ايوا دم الغزال لاتستغربو هادا السر اللي منجد منجد خلاني اكنسل الطريقه الاولى
لانو واللله اداني لون مو خيالي وبس ماشالله لوووون برونز محمر
صدقوني جربوو الطريقه وادعووولي
ولاتخافو مايحسس الجسم ولاشي
انا جسمي مررره حساس وعندي حساسيه بس مايسو شي الحمدلله
يلا تبو الطريقه ..؟
اول شي تدهنوو جسمكم بالبيبي اويل
هادا
وبعدين على طوول تكونو عاملين في صحن تحطو ملعقه صغيره من بودره دم الغزال وتخلطو معاها بيبي اويل واخلطوها بالملعقه
هادي
كدا شكلو ولونو
بس انتبو تقربو دم الغزال من ملابسكم لانوو مره يصبغ
بس وادهنووو كل جسمكم ولازم تبلبلو نفسكم بمويه عشان يمسك اللون وعادي ارجعو حطو من الخلطه كمان
وحطوو في وجهكم عادي ترى لاتخافو انا حطيت في وجهي
بس جربو دي الطريقه صدقوني حتنبسطو من النتيجه
البيبي اويل..>>تلاقو في الصيدليات او السوبر ماركت
بخاخ الكاروت>>تلاقو برضو في الصيدليات او بعض السوبرماركت
دم الغزال>>تلاقوو في العطار
ليست هناك تعليقات:
إرسال تعليق